1965 Egia Eskubaloia Talde Historikoa 002

Lehenengo Egia eskubaloi-taldea.
1965-1966 denboraldian lurraldeko txapelketa jokatu zuten, babeslerik gabe.
1966-1967 denboraldian, Samalli txokolateak babestuta, hurrengo mailara igotzea lortu zuten, eta Kopako finalerdia jokatu zuten (Granollersek kanporatu zituen gol batengatik).
1967-1968 denboraldian, Samalli txokolateak babestuta berriro, taldeko txapeldun gelditu ziren eta ligako bigarren. Ohorezko Mailara igo ziren, eta, horrez gain, Kopako txapeldunorde izan ziren Atletico Madriden aurkako partidan.
1968-1969an, Tónica Schotis-ek babestuta, bosgarren edo seigarren izan ziren Ohorezko Mailan eta Kopan txapeldunorde berriro Madrilen kontra.