IRUDI EMATEA
-
ERABILPEN BAIMENAK WEB BERTSIOA
1. JABEGOAREN EMATEA
Web inprimaki honen bitartez onarpena ematen duenak GORDEGIA ELKARTEA - EGIAKO ARTXIBATEGI GRAFIKOARI (Aurrerantzean GORDEGIA ELKARTEA) espreski BAIMENTZEN dio Egiako Artxibategi Grafikoak jasoko dituen datu basean zera sartzea: sinatzailearen jabegokoak diren dokumentuak.
Inprimaki hau sinatzen duenak GORDEGIA ELKARTEAREN eskuetan jarritako dokumentuak digitalak balira inprimakian artxikituko ditu eta fisikoak balira pertsonalki emango diozkio GORDEGIA ELKARTEKO ordezkari bati.
Material fisikoaren kasuan GORDEGIA ELKARTEAK ez du bere gain hartuko eskaneatze lanak egin ostean material fisiko horren gordetzea, jabeari itzuliko zaizkio beraz.
2. DOKUMENTUEN TRATAMENDUA
Era berean, sinatzaileak GORDEGIA ELKARTEARI espreski BAIMENTZEN dio aipatutako dokumentuen tratamendua egin dezan, beti ere legezkoak diren helburuak burutzeko. Helburu horiek honako hauek dira:
* Donostiako Egia auzoko artxibo grafikoaren datu-basea egitea eta,
* Aipatutako datu-baseak jasoko dituen dokumentuak Donostiako Egia auzoaren historiarekin interesa duten pertsona guztien eskura jartzea.
3. ERABILERA LIZENTZIA
GORDEGIA ELKARTEARI emandako baimenetaz gain sinatzaileak webguneko bisitariei eta bestelako interesdunei ematen dizkien baimenak zehaztuko ditu inprimakiaren erabilera baimenen atalean. Erabilera lizentziarik zehaztuko ez balitz GORDEGIA ELKARTEAK egokien ikusten dituen baldintzetan argitaratu eta zabalduko lituzke irudiak.
4. DATU PERTSONALEN ERABILERA
Sinatzaileak BADAKI GORDEGIA ELKARTEAREN eskuetan jarritako dokumentuetan agertzen diren pertsonaren datuak Egiako Artxibategi Grafikoaren datu-basean sartuko direla; hori dela eta, sinatzaileak ELKARTEARI BAIMENA ematen

dio aipatutako datuen komunikazioa egiteko, baina soilik datuak jasoko dituen artxiboaren difusioaren bidez.
Sinatzaileak BADAKI datuen babesarako arloan dagoen araudiak aurreikusitako eskubideen jabea dela, beraz, eskubidea duela bere datuak ezagutzeko, zuzentzeko, ezabatzeko, eta aukera duela bere datuen portabilidadea eskatzeko, trataerari aurka egiteko edo trataera mugatzeko.
5. GORDE ETA ARGITARATZEKO ESKUBIDEA
Sinatzaileak BADAKI berak emandako irudietatik GORDEGIA ELKARTEAK bere egiten duela egokien ikusten dituen irudiak gorde eta argitaratzeko ESKUBIDEAK webgunean edo bere eskura dituen espazioetan. GORDEGIA ELKARTEAK Egia auzoaren interes publikorako irudiak gorde eta zabaltzea helburu izanik gerta daiteke baloratzea sinatzaileak emandako irudi batzuk edo bat ere ez izatea bere ekinbiderako baliozkoak.
6. DATU BABESERAKO ESKUBIDEAK
Sinatzaileak BADAKI, datuen babesen arloko araudiek ematen dizkioten eskubideak gauzatzeko, GORDEGIA ELKARTEAREKIN harremanetan jartzeko aukera izango duela emailez honako helbidera bidalita gordegia@gordegia.eus, edo honako helbidean; Teila Fabrika (Gordegia), Iruresoro Pasealekua, 2-4 20012 Donostia, Gipuzkoa.
7. ULERMENA
Sinatzaileak adierazten du ulertu dituela BAIMEN honek dituen esanahia eta ondorioak. Era berean, adierazten du ulertu dituela inprimaki eta idatzi honek jasotzen dituen ARGIBIDEaren esanahia eta ondorioak.