1930H Tolabe Baserria eta La Balear Etxea 001

Kanposantuko igoeraren (Karmengo Ama) ikuspegi orokorra.
Lehen planoan, eskubian, La Balear etxea, gaur egungo Karmengo Ama 22, eta horren ondoan ezkerrean, Tolabe baserria; atzeko kalea Karmengo Ama da, eta erdian teila-fabrika eta Tabakalera.
Ez dakigu zergatik ez den Tolabe baserriaren arrastorik gelditu auzoko izendegian, baina agian merezi luke bere izena nonbait gogoraraztea. Bere lurrak Karmengo Amatik Aldapa kaleraino iristen ziren, eta hor sortu ziren Ametzagaina kalea eta Iruresoro auzoa. Horiek eraikitzean desagertu zen, 50eko hamarkadan.